شعر و زجل

يسعدنا أن نقدم في هذه الصفحة مجموعة من الأشعار والزجل كتبه أفيال أو أحباء بيت السلام ، ونحن يسعدنا اذ كانت لديك الموهبه واردت أن تعبر بها عن شي ما له علاقة بالبيت أن This e-mail address is being protected from spambots. You need JavaScript enabled to view it وسوف نقوم بنشرها في موقعنا الألكتروني وكذلك وضعها في لوحة الأعلانات ببيت السلام.

فيه حاجة سحرية ..
ومستخبية .. ورا كل سور وفـ كل فسقية
تقولك سلام
تقولك هدوء. وبساطة . ووئام
فيه حاجة سحرية .. بتيجي عفوية
من غير نظام
من غير كلام
إحساس شبابي بالصحة ... ضحكة وطالعة .. بلا استئذان
لو ركزت .. أسمع حروفها بتقول:
س .. ل .. ا .. م
فيه حاجة سحرية
قديمة تاريخية
يا إسكندرية
من أول يوم
بصت عليكي الشمس فيه
كتبت بأول خيط من نور ..كلام ..
فك الطلاسم واحد أسمه: ناجي جميل
وطلع للناس بحجر تاريخي من الرخام
مكتوب عليه هنا
.. بيت السلام
عمر الخدمة ماكانت بس منابر وعظات
ولا رغى كتير ورص كلمات
الخدمة الحقيقية هى عطاء
انكسار وخضوع وبذل ذات

الخدمة دى عرفتها هناك
لمستها عيشتها من غير نفاق
يمكن تعبتنى بس اكتر رفعتنى
وادتنى دفعة ضد العالم والاشواك

بيت فيل فى بيت السلام
خدمة تعلمك تبقى خدام
تدى وانت فرحان
وعلى وشك دايما ابتسام

قالوا السفر 7 ميزات
وبيت فيل عداه وزاد
بنا روحى واجتماعى وحاجات كتير
عينك وايدك وقلبك ملقاط

اتعلمت قيمة الوقت والدقيقة
وازاى بكل ذوق تقول الحقيقة
كلمات ساحرة بسيطة
بس جواها لمسة دايما رقيقة



اتعلمت ماستناش حد يشجعنى
ولا استنى حد يخدمنى
ولا اشوف مين بيساعدنى
لكن بكل حب ابدأ بنفسى

اتعلمت ... ابدا يومى واصبح على الهى
اديله المجد فى يومى وكل حياتى
واستمد منه قوة اكمل بيها
وكلمة قلبى يلقطها ويديهانى

اتعلمت ازاى اقبل غيرى كتير
واحترمهم واديهم كل تقدير
يمكن مختلفين من كنايس وبيئات
بس مفيناش ابدا امير و غفير

ياه لو عديت اللى اتعملته
مش هاخلص كلامى اللى بداته
وبكل بساطة هاعمل مقارنة
بين حياتى قبل بيت فيل وبعده

بيت فيل مش بس علمنى
ده كمان احلى هدية رزقنى
اصحاب جدعان وقريبين
بيهم كتييير ربنا شجعنى

كل ماافكر فى اعز ناس
وافكر ايه كان الاساس
الاقى بيت السلام
اللى بيخلق جوايا اجمل احساس


احلى واجمل ذكريات
فى كل ركن حكايات
اكتر مرة فى حياتى
حسيت فيها بانبساط

على البحر وقت غروب الشمس
بعد 11.30 وصوت الهمس
صلاة وضحك ولعب وهزار
زعل وابتسامة بعد القمص

يااااااااااه على لمتنا سوا مع الكبير
استف وفيلة يوم التغيير
كلام كتير وساعات شديد
بس بيعمل جوايا تأثير

بجد مش عارفة  اخلص كلام
باختصار بحب بيت السلام
بقالى كام ساعة بس مش فيه
بس وحشنى كأن بقالى زمان
نـــفـســي أتــــكــلـــم أقــــول لـلـنــــــــــاس
كـــــلام كـتيــر لـيـه عــنــدي أســــــــاس
كـــــــــلام يــوصـــف الإحــســـــــــــــــــاس
ويـوصــلـــــــوا لـقـلــــــــوب النـــــــاس
وكـــــلامي هـايــدور حــوالــيــــن بـيــــــت
اســمــــــــــــه بــيـــــت الـــســــــــــــلام
بـيـــت رائـــــــــــع وجـمـيــــــل عارفــيـــــن
دي حـاجـة مـــــش عـــايــــــزة كــــــلام
وطبعاً لازم أتكلم عن ناس تشهد لهم الأيام
الــبــيـــــت ده تــــــــم أســــــاســـــــــــه
بــفــضـــــــــل الــــــــــــرب زمـــــــــــــان
مـــــن ســتــة وأربــعـيـن سـنـة فـاتـــوا
وخـــــــــــــلاه أحــــــــــلـى مـكـــــــــــــان
والـــــــرب كــلــــــف رجــالـتـــــه بــيــــه
وحــــــــــس قــلــــــــوبــهـــم عـــلــيـــــه
مـــنــــهـــــــــــــم الأب الأصــــــيــــــــــل
الراحل الشــيــــــخ نـاجــــي جـمــيـــــــــل
اللي بحبه وبإخلاصه على المدى الطويـل
كـــــــــان لـــيـــــه أعــــظـــم جـمــيـــــــــل
وجــمـــيـــلـــــة مـــــش راح نــنــســــــاه
ولا الــــــــــــرب هـــايــنــســـى كــمـــــــان
قـــبـــل مـــا يــوصـــل هـنــــاك لــسمــاه
ســــــــاب لـــيــنـــا أحــــــلـى مــــكـــــــــان
والــــرب كـــلـــــف رجـــالـــــة تـــانـــي
يــحـقــقــــــوا لــيـــنـــــــا الأمــــانـــــــي
اللــــــي بـحـبــــهـــــــم وبإخـــلاصـــهــم
هــا يــزيـــدوا أمــــجــــــاد مــــن تــانــــي
وطــبــعــــاً إحـــنـــا عــارفــــيــنــهـــــــم
ودورنــــا دلـــوقــــتـي نــصـــلــيـــلـــهـــم
يـــزيـــــد الــــــرب مـــــــن حـكـمـتـهـــم
ويحـقـق دايــمــاً أحلامـهـم لبيت الســـلام
عصام على الخدين بيلطم بالأيدين
الفيلة البنات سابوني و هربوا راحوا فين
هربوا و سابوني انضف و أبيع في الكانتين
وسمعت صوت وجيه... رحت أدور عليه
لقيته وحيد في المطبخ بيبكى بدمع عنيه
الفرن ضرب في وشى ... و أنا من يومها مبنمشى
و لما جم يصلحوه ... خافوا منه و سابوه
دافيد بتاع الحسابات عنده عجز بالألوفات
هيخلوا حياته كابوس لو مطلعش بالفلوس
الناس قروا شعري قالوا عليه.. كويس
لكن لما شافه الريس.. بعت بسرعة جاب شهير
و اصدر ضدي حكم مرير
قاله روح هاتلى البيه .. و على المطبخ ودية
خليه يغسل قدرة الفول .. عشان يتعلم يخلى
بقه مقفول.
في فــيل عـــايش جـــوانا عـــايزينة يعيــش ســـعيد
أديـــلة أي شــــغلة أكــــيد هــــا يكــون ســــعيد
كــل واحـــــد فينا عـــارف البيت ده أدالــــه أيــــه
علشــــان كــده هــندي كــل اللـــي ها نقـدر عــليه
كـــل صيف نيجــي و معــانا أشـــواق و فــرح جـديد
بيت الســـــلام أدانــا محــبة و أيــــد فــي الايــــد
فــيل مــع فــيل بنبني كــل حــلم كــان مســتحيل
زي المـــوعــد ما كمــلت لــــسة فـي أكــــتر كـــتير
هنصــلي دايمــاً نشـــكر مــن اجــل كــــل البــيت
رؤيتنــا فــيه بتكــــبرمـــع كــــل وعــد جـــديــد
بـيـت الســــلام ده بيتنــا هــو بيتنـا أحــلى بيت

بنشتغل ونلعب وبنستريح ونتعب
في أحلى مكان في بيت السلام بالعجمي
والي معايا مش مجرد زميل وزميلة
لكن ده أخويا الفيل وأختي الفيلة
صحيين نايمين مع بعض
وكلين شاربين مع بعض
وأحسن حاجة أن قلبنا على بعض
وده للكل مش للبعض
كل واحد بيساعد التاني
متلاقيش مابينا أناني
وشغلنا ده مش من عندنا
ده أقل شئ نقدمه لربنا
ربنا مدينا صحة وايدينا وعقلنا
ودي مش حاجة هينة
وعلى قد وزنتنا بنأدي خدمتنا
مابننكرش ان إحنا بنشد مع بعض
لكن ما بنزعلش من بعض

والدليل ان كل واحد بيسلم على التاني
وبيقوله عايز أشوفك فيل تاني
ده مش بس بيت للمؤتمرات أو للرحلات
لكن دي ملحمة كفاحات
في كتير من الأجيال قامت بأصعب الأعمال
يشربوا من زير ويستحموا من ميه بير
تصورا كانوا بيزرعوا في أرض من جير
كانوا عايزيين يحققوا حلم الأحلام
ان يبقى في يوم من الأيام بيت السلام
وربنا حقق أمالهم
وكلل شغلهم وتعبهم وأحنا بنكمل الحكاية
استلمنا من بعدهم الراية
وبنحاول ماننهيش الحكاية
وتكون حكاية ببداية من غير نهاية

فــــي يـــــــوم فــــــــي الصـــيف الجـــــــــــــــــميل
كنت ماشـــــــية فــــي ميــدان التحــــــــريـــر
شـــــفت أتـــــوبيس كــــبير وفيــه شــباب كتير
شــــــــــباب و شـــــابات و قـــــادة وقــــــائدات
عــــــلى وشــــــوشـهم أحــــلى ابتســـــامــات
قـــــلت يا تــــــــرى الشــــــباب دول مـــــــين
و ســــألت كــمـــان عـــــلى فــــين رايـــحــــين
قالوا لي أحنا شباب في الاعمار مختلفين
فينــــــا قـــــادة وأفـــيال و كـــمــان مؤتمـــرين
صحيح ما فهـــمتش كـــل الكـــلام
لــكــــن فهمت إن المكــــان اســمه بيت الســـلام
ركــبت الاتــوبيس ورحـت معـاهـم
وبــعد أربـــع ســـاعات إتـــاكدت من كــلامـهـــم
و لمــــا دخــلت وطــــفت وشــفت
انبــهـــرت بمـــنظـر الطبيــــــعة الخـــــــــلاب
والـزرع الأخضر و الورد بلونه الجذاب
و حــــمـــام ســـباحـة و مـلاعب لكـل الألعــاب
قـــلت أعـدي كمـــان ع المطــــبخ
يا ســـــلام شـــــاميين ريحـــة الملوخية الجميلة
و الا شـــايفين الفــرخة أد أيه سمينة
و مــــــع شـــويه رز بالســــــــلطة اللذيــــــــذة
بتقول كـــل واتهنا و أدعي لأفيالنــــا
و بعـــد الأكــل شـــفت أفــــــيال قــــايمة بهــمة
تشــيل أطباقـنــا و تمسـح تـرابيزتنا
ســـــبت المــطــعم و دخــلــت الســـــكـرتـارية
يا سلام على التكييف و القعدة الهنية
بـــــــس كـــــمـــــان ســـمـعــت دوشـــــــة
تــليفونات كـــــتير جــــــــــايـــــة
خــــــرجـــت مـــن الســــــكرتـــــــاريـــــــة
و رحـت أوضتي في الفيلا البحــــرية
و هـــــناك لــــقــيت ثـــــــلاث بنـــــــــــات
على وشــوشــهم أحلى ابتسـامات
بيكنســـوا الاوضـــة و يمســـحوا الحـــمامــات
ويوضبوا السراير و كمان يشدوا الملايات
و أحكي لكم عن مين و لا مين
مــــن الافـــــيال المخــــلصين
أحكــي لكم عن أفـــيال المكــتبة و الحـراســـة
بـــس كمــان فـي شـــخص لازم أكلمكــم عليه
و لو كلمتكم عليه هتتشوقوا أنكم تتعرفوا بيه
الشخص ده هو أنكل جمال
المســـــئول عن بيت الســــــــلام
و اللي رغم كل المشــكلات
بتلاقي على وشة أحلى ابتســامات
و كتير و كتير من الحكايات
عن أســـتاف و افــيال و فـــيلات
بيقدموا اعــظم الخدمــات
و الكــلام عــمره ما يخلص عن بيت الســلام
لأنه بصحيح مكــان والا في الاحــلام